Մայքըլ Ճորտըն
 |
Ուիքիփետիայի՝ ազատ հանրագիտարանի կողմէն Ուշադրութի՛ւն, այս յօդուածը աղբիւրներու կարիք ունի։ |
| Մայքլ Ճորտըն անգլերէն՝ Michael Jordan | |
|---|---|
 | |
| Ծննդեան անուն | անգլերէն՝ Michael Jeffrey Jordan |
| Ծնած է | 17 Փետրուար 1963[1][2][3][…] (61 տարեկան) |
| Ծննդավայր |
 ԱՄՆ Պրուքլին, Նյու Յորք |
| Քաղաքացիութիւն |
 Ամերիկայի Միացեալ Նահանգներ[4] |
| Ազգութիւն |
ԱՄՆ |
| Մայրենի լեզու | անգլերէն |
| Ուսումնավայր |
Emsley A. Laney High School? Հյուսիսային Կառոլինայի համալսարան Չապել Հիլում? Հյուսիսային Կառոլինայի համալսարան Չապել Հիլում?[5] |
| Ազդուած է | Դևիդ Թոմփսոն (բասկետբոլիստ)?, Ուոլթեր Դևիս?, Ջերի Ուեսթ? եւ Ջուլիուս Իրվինգ? |
| Մասնագիտութիւն | բասկետբոլիստ, բեյսբոլիստ, մամլո քարտուղար, ձեռնարկատէր, ինքնակենսագիր |
| Ամուսին | Yvette Prieto? |
| Ծնողներ | Ճեյմս Ճորտըն և Դելորիս Փիփլս |
| Երեխաներ | Jeffrey Jordan?, Marcus Jordan?, Ysabel Jordan?, Victoria Jordan? եւ Jasmine M. Jordan? |
Մայքլ Ճեֆրի Ճորտըն (անգլերէն՝ Michael Jeffrey Jordan, ծնած է 17 Փետրուար, 1963), ամերիկացի նշանաւոր նախկին պասքէթպոլիստ, յարձակող պաշտպան (երկրորդ համար\shouting guard)։ Ներկայացուցած է Պասքէթպոլի ազգային կազմակերպութիւնը (NBA) «Շիքակօ Պուլզ» եւ «Ուաշինկթըն Ուիզարտս» ակումբներուն մէջ։ Կը համարուի բոլոր ժամանակներու մեծագոյն պասքէթպոլիստը, որ լուրջ դեր խաղցած է 80-ական եւ 90-ականներուն պասքէթպոլի պատմութեան մէջ։ «Շիքակօ Պուլզի» կազմին մէջ Ճորտըն վեց անգամ նուաճած է NBA-ի առաջնութիւնը՝ 1991, 1992, 1993, 1996, 1997 եւ 1998 թուականներուն։
Իր ֆենոմէնալ բարձր ցատկոտունակութեան համար Մայքլ ստացաւ «Air Jordan» եւ «Պարոն թեթեւութիւն»` «His Airness» անուանումները։ Ան նաեւ կը համարուի պասքէթպոլի պատմութեան մէջ լաւագոյն պաշտպաններէն մէկը։
1991 թուականին ան յաղթեց NBA-ի մէջ իր առաջին մրցաշարին «Պուլզ»-ի հետ, իսկ արդէն 1992 եւ 1993 թուականներուն կրկնեց այդ յաջողութիւնը։
Հօր մահէն յետոյ 1993-1994 թուականներուն Ճորտընը յանկարծակիօրէն հեռացաւ պասքէթպոլէն եւ փորձեց առաջ երթալ պէյսպոլով։
1995 թուականին ան վերադարձաւ պասքէթպոլի դաշտ եւ օգնեց «Պուլզ»-ին նուաճելու եւս երեք կոչում (1996, 1997, 1998), միաժամանակ NBA-էն ներս իր խումբին հետ միասին սահմանելով ռեկորդներ՝ (1995/96 թուականներու մրցաշար) տանելով դեռեւս չգրանցուած 72 յաղթանակ մէկ մրցաշարքի ընթացքին։ Երկրորդ անգամ ան ասպարէզը ձգեց 1999 թուականին, սակայն 2001 թուականին կրկին վերադարձաւ արդէն «Ուաշինգթըն Ուիզարտս» խումբին մաս կազմած։
1984 թուականին Ճորտըն պայմանագիր ստորագրեց NIKE ընկերութեան հետ, ուր յատուկ Մայքլին համար ստեղծեց մարզական կօշիկներ՝ Air Jordans անուանումով։ Նախագիծը այնքան յաջողած էր, որ Air Jordans-ը դարձաւ առանձին վաճառանիշ։ Ճորտըն խաղաց «Տիեզերական խաղ» ֆիլմին մէջ (1996)։ Ան Oakley Inc ընկերութեան ղեկավարման բաժնի կազմին մէջ է։
Այժմ կը համարուի հիմնական սեփականատէրը, ինչպէս նաեւ կը կարգաւորէ «Շառլոդ Բոբգադս» ակումբի պասքէթպոլի հարցերը։
2010 թուականի Փետրուարին աճուրդը շահեցաւ եւ իրաւունք ստացաւ հիմնական սեփականատէր Լ. Ճոնսոնէն գնելու խումբի վերահսկողութեան փաթեթներու բաժնետոմսերը։
Այս կերպով Մայքլ Ճորտան առաջին պասքէթպոլիստն էր, ով դարձաւ NBA-ի սեփականատէր։
Ներկայիս կը հանդիսանայ «Շառլոթ Հորնեթս» ակումբի նախագահը։